Erl Murati: PD del e humbur, kushdo që të fitojë mes Bashës dhe Berishës

Kryeredaktori i Gazeta Shqiptare, Erl Murati tha gjatë emisionit Now në Euronews Albania se e ardhmja e PD për vitin 2022 duket e zymtë, nisur nga fakti se beteja Basha-Berisha ka përçarë strukturat e partisë në të gjitha nivelet, duke nisur nga grupi parlamentar deri tek kryesia.

Sipas tij, duket e vështirë një dritë në fund të tunelit, pasi as Basha dhe as Berisha nuk po tregojnë asnjë shenjë reflektimi për të sheshuar kontradiktat e për të ecur përpara.

Cilido të jetë fituesi në këtë betejë, tha Murati, PD del e përçarë nga gjithë kjo histori.

“Përçarja e PD do të jetë një krizë e gjatë sepse nuk është thjesht betejë mes dy individëve, por forumi madje dhe baza është e përçarë e më tej grupi parlamentar e kryesia. Nuk shoh dritë në fund të tunelit pasi shoh mungesë vullneti nga të dy për t’u bashkuar, për ta sheshuar problemin dhe për të ecur përpara. Fitorja e njërit mbi tjetrin nuk është fitore për PD”, tha Murati.