Ernest Muçi qëndron te Trabzonspor, klubi turk blen kartonin përfundimisht

Sulmuesi shqiptar Ernest Muçi do të vazhdojë të jetë pjesë e Trabzonspor edhe pas përfundimit të këtij sezoni, pasi klubi turk ka vendosur të blejë përfundimisht kartonin e tij nga Besiktas.

Performanca e tij që nga momenti i ardhjes te Trabzonspor ka qenë e jashtëzakonshme, duke bindur drejtuesit e klubit për të bërë transferimin e përhershëm. Akordi mes dy klubeve parashikon një pagesë totale prej 8.5 milionë eurosh: 1 milion euro janë paguar gjatë huazimit fillestar, ndërsa 7.5 milion euro do të paguhen në tre këste drejt Besiktas.

Vetë Muçi, 24 vjeç, ka shprehur dëshirën për të qëndruar te Trabzonspor, ku ka gjetur formën e tij më të mirë. Në kampionatin turk këtë sezon, ai ka shënuar 10 gola dhe ka dhënë 2 asistime, duke u renditur i gjashti në listën e golashënuesve.

Me kontributin e tij, Trabzonspor renditet aktualisht në vendin e tretë me 45 pikë, 10 pikë larg Galatasaray kryesues dhe 7 pikë pas Fenerbahce, që mban vendin e dytë në Superligën turke.

Transferimi përfundimtar i Muçit konsolidon sulmin e Trabzonspor dhe nënvizon rëndësinë e tij për ambiciet e klubit në këtë sezon.