Ervis Iljazaj: Situatë tragjiko-komike, Rama bën kritika për 6 bashki që humbi

Gazetari Ervis Iljazaj ishte këtë të hënë i ftuar në “Now me Erla Mëhillin” ku tha se kritikat e Ramës në mbledhjen e Asamblesë së Partisë socialiste, janë tragjike dhe komike në të njëjtën kohë.

Ai tha se një qeverie cila ka fituar 55 nga 61 bashki nuk ka përse të ketë kritika, ndërsa hodhi dyshime, se Rama ka kritikuar ata persona të cilët sipas Iljazaj po bëhet gati “t’i lëshojë”.

“Kritikat më duken komike, por edhe tragjike në të njëjtën kohë. Komike se të kesh një forcë politike që të fitojë 55 bashki nga 61 dhe vetëm 6 i ka fituar opozita dhe të bësh kritik se pse nuk i kemi fituar dhe ato të 6, kjo është komike dhe tragjike.

Imagjinoni një forcë politike që bën kritik dhe autokritk se përse nuk i ka fituar të 61 bashkitë. Është komike dhe tragjike situata ku jemi katandisur. Kjo është absurde edhe pushtet absolute lënë diçka për të tjerët, sa për të legjitimuar”,-tha Iljazaj.

LEXONI GJITHASHTU:

• “Bën takime me 5 persona, i shet sikur janë 15”- Shehu: Si e ironizoi Rama deputetin
• Kë pranon Gjekmarkaj në krye të opozitës: Berisha është shefi, por…