“Është bërë pas fitores”| Prençi dhe Qafoku komentojnë videon e Gjicit: Skandal!

SPAK nisi këtë të premte një procedim penal ndaj kryebashkiakkut të Kukësit Safet Gjici, në lidhje me qarkullimin në rrjete sociale të një videoje erotike të bërë në zyrën e tij.

Të ftuar në Euronews Albania, ish-zyrtari i lartë i policisë Shemsi Prençi dhe gazetari Roland Qafoku zbuluan detaje në lidhje me skandalin.

Preçi tha se video është bërë pas datës 14 maj.  Ai shtoi se e ka parë përpara 6 ditësh videon, ku shihet kryebashkiaku në marrëdhënie intime me një vajzë në zyrën e tij.

“Me sa jam informuar kjo video është bërë pak ditë pas fitores. Pas fitores së manatit të dytë, ka festuar fitoren e mandatit të dytë. Përafërsisht i takon datës 17 dhe 18 maj, ose mund të jem dhe gabim. Por e sigurt është që video është bërë pas datës 14 maj, e kam parë përpara 5 ose 6 ditës”, tha Prençi.

Nga ana tjetër gazetari Roland Qafoku tha se pasi ekspertët të bëjnë verifikimin e videos dhe të provojnë se nuk kemi të bëjmë me një montazh, atëherë duhet të bëhet dhe shkarkimi i kryebashkiakut, pasi kryerja e marrëdhënieve seksuale në zyrë është shpërdorim detyre.

“Duhet parë nëse ishte autentike video. Por është normale që të shkarkohet apo pezullohet kryetariu i bashkisë, pas verifikimeve paraprake që do bëjnë ekspertët e këtyre videove. Pasi ata të vërtetojnë se nuk kemi të bëjmë me një montazh. Ajo që thotë zoti Prençi që është në zyrë kjo e shton skandalin dhe për më tepër brenda orarit zyrtar të punës. Janë të gjitha këto detaje që kanë bërë që SPAK të ketë nisur hetimet”, tha Prençi.

LEXO GJITHASHTU:

• “Video intime u filmua në zyrë”- Gazetari zbulon detaje nga procedimi penal i Gjicit
• Video me përmbajtje erotike, SPAK nis procedim penal për Safet Gjicin
• Video erotike e Gjicit në zyrën e Bashkisë, Prençi: Rama ta shkarkojë