Euronews Albania ka siguruar fotot e dy të shumkërkuarve Plaurent Dervishaj dhe Julian Meçaj që u ekstraduan mbrëmjen e së martës nga Emiratet e Bashkuara Arabe në një operacion special policor.
Gjatë qëndrimit 5 vjeçar në Dubai, Dervishaj në kërkim nga SPAK si pjesë e grupit kriminal dhe i akuzuar si i përfshirë në vrasjen e Klodian Saliut në vitin 2005 në Durrës, kishte ndyshuar dhe pamjen e jashtme. Dervishaj akuzohet edhe si i përfshirë në atentatin ndaj ish-prokurorit Arjan Ndoja dhe Aleksandër Lahos, ngjarje ku mbeti i vdekur shoferi Andi Maloku.
Euronews Albania ka siguruar edhe foton ekskluzive të Julian Meçaj po ashtu i strehuar prej vitesh në Dubai, i cili kërkohej dhe akuzohet nga SPAK si i përfshire në atentatin ndaj ish-prokurorit Arjan Ndoja dhe “Rrumit” te Shijakut me 1 nëntor 2019 në mbikalimin e Shkozetit ne Durrës.
Euronews Albania mëson se dy të shumë kërkuarit janë sjelle në Shqiperi duke shfrytëzuar procedurën e deportimit ne kushtet kur Shqipëria nuk ka një marreveshje ekstradimi me Emiratet e Bashkuara Arabe.
LEXONI GJITHASHTU:
- Rrumbullaku: Arrestohen Julian Meçe dhe Plarent Dervishaj, erdhën nga Emiratet Arabe
- SPAK kërkesë ministrisë së Drejtësisë për të ekstraduar Plaurent Dervishajn nga Dubai
