Mesazhi i makinave të policisë shqiptare që shoqërojnë eskortën e Blinken

Sekretari Amerikan i Shtetit, Antony Blinken, ka mbërritur këtë të enjte në aeroportin e Rinasit për të vijuar agjendën e planifikuar në Shqipëri.

Blinken u prit në aeroportin Nënë Tereza nga ministri i Jashtëm Igli Hasani. Më pas nën masa të rrepta sigurie ai u nis drejt Tiranës, ku në orën 13:30 do të zhvillojë një takim me punonjësit e ambasadës amerikane në Tiranë.

Eskorta sekreatrit Blinken u shoqërua dhe nga dy automjete luksoze të Policisë së Shtetit.

Euronews Albania mëson se automjetet tip Audi, janë të konfiskuara nga organet ligjzbatuese për shkak se janë produkt i veprimtarisë kriminale të personave që i posedonin.

Këto dy automjete më herët perdoreshin nga showgirl-et, Trejsi Sejdini dhe Kejvina Kthjella. Makinat u ishin dhuruar vajzave të ekranit nga ish të dashurit e tyre “problematikë”.

Mesazhi i dhënë me përdormin e këtyre dy automjeteve, duket se lidhet me konfiskimin e aseteve të krimit si pasojë e suksesit të reformës në drejtësi.

Blinken në axhendën e tij pritet të vizitojë dhe afganët që ndodhen në Shqipëri, si dhe do të ketë takime me kreun e qeverisë Rama dhe presidentin Bajram Begaj.

LEXONI GJITHASHTU:

• DASH publikon axhendën e Blinken në Tiranë, s’ka takim me Dumanin
• Plani i masave për vizitën e Blinken, rrugët ku do të ndalohet qarkullimi