Et’hemaj: Në Rinas do bëhet zgjatimi i pistës për fluturime transoqeanike

Drejtori ekzekutiv i Aviacionit Civil, Maksim Et’hemaj tha se një ndër objektivat e institucionit që drejton, është zgjatimi i pistës në aeroportin “Nënë Tereza” për fluturimet transoqeanike.

Në emisionin “Now” në “Euronews Albania”, Et’hemaj u shpreh zgjatimi i pistës do të bëhet me faza dhe pritet që puna të fillojë verën e ardhshme.

“Objektivi është që në verën e ardhshme të kemi konsoliduar planin dhe të kemi filluar implementimin gradual të këtij projekti. Them gradual sepse pista do të jetë e hapur dhe zgjatimi do të bëhet me faza. Do të punohet në ato momente kur nuk ka njerëz dhe avionë”, tha ai.

Sipas tij, terminali i aeroportit të Tiranës do të shtohet 9000 m2 dhe do të jetë gati javën e dytë ose të tretë të qershorit.

LEXONI GJITHASHTU

• Terminali i Rinasit do shtohet 9 mijë m2, thotë drejtori i Aviacionit Civil
• Wizz Air drejt shtimit të linjave të reja ajrore në Shqipëri