Misioni i sundimit të ligjit në Kosovë, EULEX deklaroi se është duke e monitoruar nga afër situatën e sigurisë në pjesën veriore të vendit, përmes pranisë së tyre të shtuar në terren.
Përmes një njoftimi, EULEX-i bëri të ditur se është duke kryer patrullime vëzhguese, përfshirë patrullimet në këmbë në Mitrovicën e Veriut dhe në Zveçan.
“Ne jemi duke monitoruar nga afër situatën e sigurisë në pjesën veriore të Kosovës përmes pranisë sonë të shtuar në terren. Pjesëtarët polakë të Njësisë Policore të Specializuar tonë dhe pjesëtarët italianë dhe lituanezë nga Njësia e jonë Policore e Specializuar Rezervë nga Forca Evropiane e Xhandarmërisë janë duke kryer patrullime vëzhguese, përfshirë patrullimet në këmbë në Mitrovicën Veriore dhe Zveçan.
Duke e pasur parasysh situatën e paqëndrueshme të sigurisë në pjesën veriore të Kosovës dhe vendosjen e barrikadave shtesë, EULEX-i rregullisht e përshtatë praninë e tij për ta pasqyruar situatën në terren, si dhe në bashkëpunim me Policinë e Kosovës dhe KFOR-in”, thuhet në njoftimin e KFOR-it.
LEXONI GJITHASHTU