Konfindustria shpreh shqetësimin për rënien e fortë të euros kundrejt lekut.

Ajo vlerëson se shkak për këtë rënie, është edhe vendimi i fundit i muajit nëntor 2023 i Bankës së Shqipërisë për rritjen me 0,25% i normës bazë të interesit për lekun dhe paralajmërimi për rritje të mëtejshme të pritshme.

Në javën e parë të muajit dhjetor 2023, euro është tregtuar në nivel poshtë 101 lekëve. Ky zhvlerësim, i është afruar me shpejtësi  nivelit më të ulët historik prej 99-100 lek, të arritur në kulmin e sezonit turistik 2023.

Për Konfindustrinë, fluksi turistik në muajin nëntor është krejtësisht i parëndësishëm për të ndikuar në forcimin e lekut.

Forcimi jo i natyrshëm i lekut ka ndikuar drejtpërdrejt në eksportet shqiptare, të cilat kanë rënë me rreth 30% në vitin 2023 dhe sektorët e manifakturës kanë humbje, që shkojnë deri në 100 milionë euro/vit.

LEXONI GJITHASHTU:

• BE-ja jep dritën e gjelbër për t’i ndarë Hungarisë rreth 1 miliard euro
• Shpenzimet për lodra fëmijësh, këtë vit erdhi mall me vlerë 13 milionë euro