Eurodeputetët kërkojnë embargon e disa produkteve ruse

Parlamenti Europian ka miratuar të enjten një rezolutë ku kërkohen masa më të ashpra ndëshkuese ndaj Rusisë.

513 eurodeputetë i thanë ‘po’ një embargoje e cila do të ndalonte importin një sërë produktesh ruse si nafta, qymyri, lëndëve djegëse bërthamore si dhe gazit.

22 votuan kundër rezolutës ndërsa 19 abstenuan.

Masat shoqërohen me një plan të detajuar për të siguruar vazhdimësinë e furnizimit me energji, si dhe një strategji për të ‘sprapsur sanksionet në rast se Rusia ndërmerr hapa të për të rivendosur pavarësinë, sovranitetin dhe integritetin territorial të Ukrainës’, thuhej në deklaratën për shtyp botuar në faqen zyrtare të Parlamentit.

Përjashtimin e Rusisë nga G20

Më tej, ata i kanë kërkuar liderëve të BE të përjashtojnë Rusinë nga G20 dhe organizata të tjera, përfshi Zyrën e Komisionerit të Lartë të OKB për Refugjatët (UNHCR), Interpoli, Organizata Botërore e Tregtisë, UNESCO, etj.

Ndër masat e tjera të propozuara nga Parlamenti janë dhe përjashtimi i bankave ruse nga sistemi SWIFT, ndalimin e ankorimit dhe lundrimit të anijeve ruse në ujërat territoriale të vendeve të unionit dhe konfiskimin e aseteve të zyrtarëve rusë të lidhur me regjimin e presidentit rus Vladimir Putin.

LEXONI GJITHASHTU

• SHBA vendos sanksione për vajzat e Putinit
• BE-ja do të miratojë sanksione të reja kundër Rusisë, thotë ministri francez
• Kina mohon se ka anashkaluar qëllimisht sanksionet ndaj Rusisë