Eurodeputetët letër Komisionit Evropian, kërkojnë dorëheqjen e Oliver Varhelyi

Një grup eurodeputetësh nga grupet e të Gjelbërve, Socialistëve dhe Demokratëve e të Majtës në një letër të hapur drejtuar Presidentit të Komisionit Evropian kërkojnë dorëheqjen e Komisionerit Evropian për Fqinjësinë dhe Zgjerimin, Oliver Varhelyi.

Letra bën thirrje që Varhelyi të “dorëhiqet” ose “të shkarkohet” për tejkalimin e mandatit të tij, pasi njoftoi një ngrirje të ndihmës për palestinezët pa u konsultuar me qeveritë e BE-së.

Thuhet se komisioneri europian Varhelji nuk ka kompetencë të vendosë për këtë në mënyrë të njëanshme dhe as ta shpallë zyrtarisht në llogaritë e tij në rrjetet sociale dhe se vendimi nuk është marrë në procesin e duhur.

Raportohet gjithashtu se shumë kërkuan dorëheqjen e tij në shkurt, pasi ai u tha eurodeputetëve në seancën plenare të Parlamentit Evropian se ata ishin “idiotë”.

“Fyerjet që Várhelyi u drejton institucioneve të BE-së dhe funksionimit të tyre demokratik nuk miratohen. Prandaj i kërkojmë komisionerit të japë dorëheqjen ose të shkarkohet”, thuhet në letër.

Letra e hapur për Ursula von der Leyen do të dorëzohet gjatë ditës së sotme, është konfirmuar për portalin e Brukselit në zyrën e eurodeputetit francez Munir Saturi, i cili është një nga nënshkruesit.

Projekt-letra drejtuar kreut të Komisionit është nënshkruar nga 12 eurodeputetë.

LEXONI GJITHASHTU:

• Ushtria izraelite goditi spitalin në Gaza, reagon Rama: Tronditëse, s’ka justifikim
• Gazetari: 30 mijë postime në rrjete sociale për deklaratën e Macron për vizat