Euronews Albania në Calais të Francës, nga ku shqiptarët nisen drejt Britanisë

Korrespondenti i Euronews Albania Xhensil Shkëmbi raportoi këtë të martë nga Calais në Francë, vendi ku mijëra emigrantë nisen drejt Britanisë së Madhe.

Ai u shpreh se nuk ka pasur emigrantë që kanë kaluar të martën, por pohoi se ka komunikuar me dy trafikantë shqiptarë, të cilët sigurisht nuk janë prononcuar para kamerës.

Ata treguan se do të mbyllin punën tanimë prej kushteve të motit.

Media prestigjoze britanike, The Guardian ka publikuar së fundmi një artikull për emigrantët shqiptarë ilegalë, të cilët shkojnë me varka të vogla apo gomone në Britaninë e Madhe, një pjesë e të cilëve kërkojnë edhe azil.

Vëmendja e autoriteteve britanike është shtuar për shkak se 2,165 shqiptarë mbërritën në Britaninë e Madhe midis janarit dhe qershorit të këtij viti, ndërsa në të njëjtën periudhën të një viti më parë, ky numër ishte 23.

“The Guardian” nënvizon se shqiptarët kryesojnë në drejtimin e bandave të drogës në këtë shtet.

LEXONI GJITHASHTU:

• The Guardian: Emigrantët shqiptarë nuk duhet të bëhen ‘kokë turku’
• ‘The Guardian’ jehonë trafikantëve shqiptarë: Kontrollojnë tregtinë e drogës
• Si funksionojnë rrjetet e trafikut të emigrantëve? Gazetari raporton nga Franca