Euronews Albania raporton nga Adana, gazetari Hoxha jep detaje për situatën në Turqi

Ekipi i Euronews Albania ka mbërritur në Adana të Turqisë një nga vendet më të goditura nga tërmeti tragjik i mëngjesit të ditës së hënë.

Gazetari Ardit Hoxha po raporton live nga Adana, ku shihet se po vijon puna nga ekipet e kërkim-shpëtimit për të nxjerrë trupat nën rrënoja.

Siç shihet në vendngjarje ka ambulanca, ndërsa është vendosur dhe kordoni i sigurisë. Sakaq në pamje duket se familjarët po presin që të gjejnë trupat e tër afërmëve.

Siç raporton dhe gazetari Hoxha shumë prej qytetarëve janë ende të frikësuar ndërsa refuzojnë që të futen në banesa. Ata kanë ndezur zjarr në oborre ndërsa herë pas here u shpërndahen ushqime.

LEXONI GJITHASHTU: 

• Parashikoi goditjen në Turqi, studiuesi paralajmëron një tjetër tërmet në këtë zonë
• Erdogan do të vizitojë sot qytete të tjera të goditura nga tërmeti