Euronews në kufi më Gazan, ekipi shrihet përtokë nga rreziku. Vendi ku nisen raketat

Ekipi i Euronews Albania ndodhet vetëm disa kilometra afër kufirit verior të Izraelit me Rripin e Gazas.

Pas raportimeve në një kamp ushtarak në qytetin e Sderot, ku tanket e ushtrisë izraelite nisën zhvendosjen drejt Gazas, gazetari Thimi Samarxhiu me ndihmën e operatorit Olti Allemta është afruar akoma më shumë në “kufirin e hekurt”.

Gjatë zhvendosjes ekipi është ndeshur me një skenë të papritur, ku u është dashur të dalin nga makina dhe të ulen përtokë në afërsi të ushtarëve izraelit, si pasojë e alarmit të sulmeve të mundshme.

Më pas rruga vazhdoi drejt vendit ku ndodhi masakra e festivalit ‘Supernova’, në kufirin mes Gazës dhe Izraelit, ku u vranë nga terroristët e Hamasit 260 të rinj.

Izraeli parlajmëroi banorët e Gazas këtë të premte të zhvendosen nga veriu në jug, pasi në orët në vijim pritet të nis dhe ofensiva ushtarake e këmbësorisë.

Janë 1.1 milionë banorë të cilët pritet të zhvendosen, teksa përballen me mungesën e energjisë elektrike, karburantit dhe sasi të kufizuara ushqimesh.

Banorët e Gazës janë fotografuar duke bërë paketimet dhe duke u përpjekur të lëvizin drejt zonave të sigurta.

Nga ana tjetër Hamasi u ka bërë thirrje popullatës civile që t’i injorojnë thirrjet e izraelit dhe të mos zhvendosen në jug.