Euronews raporton nga lufta, qytetarët boshatisin rrugët në Tel Aviv

Predhat kanë goditur edhe pjesën afër qendrës së Tel Avivit. Ishte ky raportimi i gazetarit Thimi Samarxhiu i cili ka udhëtuar drejt Izraelit për të parë nga afër gjendjen e luftës.

Sipas tij nëse predhat do të kishin goditur pjesën më qendrore të qytetit, dëmet do të ishin edhe më të mëdha.

“ Ajo që vlen të theksohet është se vetëm dy blloqe më tej janë disa ambasada, ajo e SHBA-së, Francës, Zvicrës, Turqisë dhe imagjinoni çfarë do të kishte ndodhur nëse raketa do të ishte drejtuar andej,” – u shpreh Samarxhiu.

Gazetari tha se ka frikë mes banorëve duke qenë se në një ditë normale rrugët e Tel Avivit nuk do të ishin kurrë aq të boshatisura.

Të paktën 1,300 civilë dhe ushtarë janë vrarë në Izrael pasi Hamasi filloi një sulm të befasishëm gjatë fundjavës, thanë të premten Forcat Mbrojtëse të Izraelit.

Në një përditësim, zëdhënësi i IDF-së nënkoloneli Jonathan Conricus shtoi se më shumë se 3,000 njerëz janë plagosur në sulmet terroriste.

LEXONI GJITHASHTU:

• “Koha për kokën e okupatorit”- Kërcënohet me vdekje ambasadori amerikan në Serbi
• Numri i të vdekurve nga sulmet e Hamasit në Izrael është rritur në 1300