Europa në rrezikun e akteve terroriste për festa? Eksperti: Pse alarmi është i lartë

Eksperti Emilio Çika foli në lidhje me kërcënimin që i bëhet Europës nga ekstremistët.

Në një intervistë për Euronews Albania ai theksoi se dekadën e fundit ka pasur një rritje të ekstremit të djathtë, gjë e cila ka ndodh për disa arsy.

Sipas tij disa nga arsyet janë emigrimi por dhe situata politike.

“Dekadën e fundit ka një rritje jashtëzakonisht eksponenciale të ekstremit brenda në Europë. Kur flasë për një rritje të tillë i referohem asaj që është ekstremi i djathtë në Europë. Kjo rritje vjen për disa arsye brenda në Europë. Është e vërtetë që Hollanda është shteti i fundit por nuk do thosha i pari që ka sjellë në pushtet një personazh politik që është mbështetës i hapur i politikave të hapura që tentojnë drejt ekstremit të djathtë. Janë dhe shtete të tjera që kanë dhënë sinjale prej kohësh.

Marrjen e pushtetit në Hollandë do e lidhja dhe me një fakt të rëndësishëm. Hollanda dhe pse është një shtet i vogël, është një nga shtetet krijuese të BE-së. Për arsye dhe të zgjedhjeve që janë paralmentare në pranverën e 2024, kemi dhe një ndërmarrje të një fushate shumë të gjerë të këtyre forcave. Kemi pasur një takim në Fierence, ku u mbajtën qëndrime ideologjike të këtyre rrymave politike dhe u përshëndetën dhe nga liderët kryesorë që janë në pushtet. E gjithë kjo lëvizje shkon për shtat për fat të keq dhe më atë të rritjes së rrezikut të sulmeve të terrorizmit. Faktorët kryesor janë situata ekonomike, emigrimi”-tha ai.

LEXONI GJITHASHTU:

• Vidhet shkolla e mesme në Malësinë e Madhe, hajdutët marrin pajisjet kompjuterike
• Luftimet e ashpra në Gazë pamundësojnë furnizimin me ndihma