Evropa po përgatitet për të shënuar 80 vjetorin e asaj që njihet si ‘Dita D’, ose dita kur aleatët zbarkuan në Normandi.

Të martën, dy varka të marinës franceze zbarkuan në plazhin Omaha, duke simuluar reagimin ndaj një sulmi.

Me ta u bashkua një kolonë motoristësh të vjetër të ushtrisë amerikane, të cilët parakaluan në plazhin e rajonit verior francez.

Ndërkohë, në anën tjetër të kanalit, deti dhe qiejt përreth qytetit anglez të Portsmuthit gumëzhinë nga zhurma e anijeve dhe avionëve, ndërsa veteranët britanikë lanë bregun duke u drejtuar me traget për në Francë.

Më 6 qershor 1944, trupat aleate zbarkuan në Normandi me një armatë të paprecedent anijesh, trupash dhe avionësh për të goditur sistemet mbrojtëse të Adolph Hitler në Evropën perëndimore dhe për të përshpejtuar fundin e tij.

Veteranët do të marrin pjesë në parada, do të kryejnë vizita në shkolla, si dhe do të përkujtojnë depërtimin me ushtarë nga Shtetet e Bashkuara, Britania, Kanadaja dhe vende të tjera aleate.

LEXONI GJITHASHTU:

• Ajeti e Asllani analizojnë europianin: Euro 2024 një emocion i veçantë
• Olympiacos triumfon në Europë, Fiorentina humbet një tjetër finale