Olympiacos triumfon në Europë, Fiorentina humbet një tjetër finale

1 gol ka vendosur fituesin e Conference League në finalen mes Olimpiakos dhe Fiorentinës dhe ai u shënua nga El Kaabi, i cili konfirmohet dhe një herë tjetër si heroi i ekipit helen. Fiorentina është e pafat, duke u mposhtur kështu në finalen e dytë radhazi në këtë kompeticion, teksa vitin e shkuar ishte West Ham që i rrëmbente trofeun. Në Opap Arena të Greqisë, miqtë luajtën më mirë duke krijuar raste shënimi në nisje të lojës e gjetur golin, që u anulua për pozicion të parregullt.

Në vijim loja u zhvillua më tepër në mesfushë, duke treguar një nivel jo shumë të lartë futbolli. Koha e rregullt u mbyll jo vetëm pa fitues, por edhe pa gola, ndërsa u aplikuan 30 minutat e shtesës.

Aty grekët u treguan cinikë, ku në minutën e 116′ realizoi El Kaabi me kokë, pas një devijimi të saktë. 30-vjeçari nga Maroku ishte lojtari kyç i sezonit tek Olimpiacos duke u shpallur golashënues i garës me 11 realizime, teksa 6 gola i ka shënuar vetëm në 3 përballjet e fundit.

Një trofe i fituar me shumë meritë nga një prej skuadrave me më shumë histori në futbollin grek, që shton në kabinetin e trofeve, atë të Conference League.

LEXONI GJITHASHTU: 

• Juventus shpëton sezonin, triumfon në Kupën e Italisë
• Atalanta shkruan historinë, mposht Leverkusenin në Europa League