Juventus shpëton sezonin, triumfon në Kupën e Italisë

1 gol i Vlahoviç ka sjellë trofeun e vetëm sezonal për Juventusin në një vit për tu harruar, me bardhezinjtë që më në fund buzëqeshin. Finalja e kupës së Italisë ka shkuar në Torino edhe pse ndeshja u luajt më mirë nga Atalanta, e cila humbet kështu finalen e parë.Në Olimpiko, goli erdhi shpejt në minutën e 4-të, në momentim e vetëm ku Vlahoviç nuk ishte i markuar, serbi arriti të mposhtë portierin kundërshtar. Minutat në vijim folën për bergamaskët, aë goditën disa herë në portën e Perin, por fati nuk ishte me ta.

Në minutën e 74′, Juventusi shënoi dhe golin e dytë po me autor Vlahovic, pas një devijimi të saktë me kokë të topit, por pozicioni ishte i parregullt. Tentativat pasardhëse nga të dyja ekipet nuk prodhuan më asgjë e Juventus fitoi kupën e 15-të në Itali, duke thellur rekordin personal, si skuadra që e ka fituar më tepër. Atalanta mbetet në kuotën e 1 trofeu, ndërsa do të luajë dhe 1 tjetër finale ditët e ardhshme, atë ndaj Leverkusen në Europa League.

LEXONI GJITHASHTU:

• Manchester City më pranë titullit kampion, mbetet vetëm 1 ndeshje
• Interi shpallet kampion i Italisë, gdhend yllin e dytë në fanellë
• Pas 7-vitesh në Paris, Mbappe konfirmon largimin nga PSG