Kampioni në Premier Leaguen angleze do të vendoset në javën e fundit. Pas fitores që Manchester City mori ndaj Tottenhamit është rikthyer në krye të tabelës së klasifikimit, duke lënë pas Arsenalin, ndërsa diferenca është vetëm 2 pikë. Mbrëmjen e së martës, skuadra e trajnerit Pep Guardiola mposhti londinezët e Postecoglu, në një lojë tejet të luftuar nga të dyja kampet e u shënuan 2 gola.

Një pjesë e parë e mbyllur në shifrat 0-0, por në minuta e 51′ ishte Haaland që prishi ekuilibrat duke kaluar në avantazh të tijët. Vendësit u përpoqën të reagojnë, por pa sukses, madje pësuan golin e dytë po nga bomberi norvegjez që realizoi me 11 metërsh në fund. Tottenham nuk mundi t’i vijë në ndihmë rivalëve të Arsenalit, të cilët tashmë nuk e kanë më në dorë fatin e tyre.

Në kampionatin anglez luhen 2 ndeshje të tjera këtë të mërkurë, Brighton-Chelsea dhe Manchester United-Newcastle. Këto janë sfidat e fundit të javës së 37, ku synimi i vetëm mbetet pjesëmarrja në garat evropiane për vitin e ardhshëm.

LEXONI GJITHASHTU:

• Interi shpallet kampion i Italisë, gdhend yllin e dytë në fanellë
• Pas 7-vitesh në Paris, Mbappe konfirmon largimin nga PSG