Evakuohet i moshuari në pallatin ngjitur me kompleksin në flakë, rrezikonte asfiksinë, e kishte zënë gjumi

Prefekti i Tiranës, Shkëlqim Hajdari në një komunikim për mediat, deklaroi se pas ndërhyrjeve të vazhdueshme, zjarri që përfshiu pallatin në Tiranë është vënë në kontroll.

Ai po ashtu theksoi se edhe një tjetër person i moshuar është evakuuar, i cili ndodhej në pallatin pranë dhe rrezikonte të asfiksohej për shkak të tymit të madh, pasi ishte në gjumë në momentin e ngjarjes.

“Një operacion shumë i vështirë. Nuk kemi viktimë. Kemi të dëmtuar me djegie dhe dëmtime të karakterit jo të rëndë. Janë nxjerrë disa banorë të pamundur nga gjendja shëndetësore. Para 10 minutash u evakuua një person i moshuar. Për të qetësuar të gjithë opinionin publik zjarri është vënë nën kontroll. Por operacioni do të vazhdojë deri në fund, kur të neutralizohet i gjithë zjarri”, tha më tej ai.