Evropiani i futbollit të femrave, Anglia shpallet kampione

Anglia në futboll për femra është kombëtarja më e fortë në kontinentin e vjetër e këtë e tregoi në kampionatin evropian të zhvilluar në Zvicër, aty ku u shpall kampione. Pas një loje të jashtëzakonshme përballë Spanjës e cila u vendos vetëm pas goditjes së 11 metërshave, luaneshat ngritën lart trofeun, të cilin e kanë fituar edhe më herët. Iberiket dominuan përballjen, por shpërdoruan raste të shumta shënimi, megjithatë shënuan të parat në minutën e 25’ me Caldentey.

Në fraksionin e dytë ishte sulmuesja e Arsenal Alessia Russo e cila ndali topin në rrjetë duke rikthyer ekuilibrat e dhënë një marrsh më tepër britanikeve për tju afruarr fitores. Minutat në vijim kontrolli i topit ishte në anën e spanjolleve, por pa sjellë ndryshim të shifrave, me kohën e rregullt që u mbyll 1-1. E njëjta gjë dhe në 30 minutat shtesë, ndërsa fituesi u zgjodh pas goditjes së penalltive.

2 futbolliste britanike shpërdoruan shanset e tyre e në anën tjetër te Spanja 3, duke bërë që penalltitë të mbylleshin me rezultatin 3-1, ku ajo decisive u ekzekutua nga Kelly. Një fitore që mban Anglinë në majën e piramidës evropiane të futbollit të femrave, ndërsa konfirmohet si kampione në fuqi, pasi edhe në edicionin e shkuar u kurorëzua mbretëresha e Evropës.