Fabrika e “Ferronikelit” në Kosovë ndërpret punën për shkak të rritjes së çmimit të energjisë

Fabrika e “Ferronikelit” në Kosovë ka ndërprerë përkohësisht punën, për shkak të krizës energjetike në Europë dhe rritjes së çmimit të energjisë elektrike në tregjet globale.

Kompania ka të paktën 1500 punëtorë të lidhur me furnizimin e fabrikës me lëndë të parë dhe logjistikë në Kosovë dhe Shqipëri.

Kryetar i Sindikatës së Punonjësve të Ferronikelit në Kosovë, Fehmni Nika tha për Euronews Albania se puna në këtë fabrikë është ndërprerë në një afat të pacaktuar, pasi gjithçka varet nga çmimi i energjisë.

Z. Nika theksoi se kjo kompania e ble energjinë në tregjet ndërkombëtare, ndaj është prekur menjëherë nga kjo situatë.

Ai tregoi se sindikata i ka dërguar një letër kryeministrit Kurti, ku kërkohet që çmimi i energjisë të blihet sipas tregut të Kosovës.

Z. Nika u shpreh më tej se punëtorët aktualisht janë pushim dhe ndërkohë marrin pagë nga kompania.

LEXONI GJITHASHTU:

• 5 persona në pranga për terrorizëm në Kosovë
• Nxënës pa libra në Kosovë, përplasje mes komunave, prindërve dhe Ministrisë së Arsimit