Fajtor për korrupsion/ Apeli lë në fuqi dënimin për ish-shefin e hetimit në Elbasan

Apeli i Posaçëm ka lënë në fuqi dënimin me 2 vite e 4 muaj burg për ish shefin e hetimit të krimit në Elbasan Leonard Palushi.

Palushi  është deklaruar fajtor nga gjykata për korrupsion pasi pranoi te mira materiale nga Erjon Alibej , ky i fundit i arrestuar nga SPAK.

Komunikimi i gjykatës:

“1. Deklarimin fajtor të të pandehurit L.P. për kryerjen e veprën penale “Korrupsioni pasiv i personave që ushtrojnë funksione publike”, e parashikuar nga neni 259 i Kodit Penal dhe në bazë të kësaj dispozite, dënimin e tij me 3 (tre) vite e 6 (muaj) burgim.

2. Në aplikim të nenit 406/1 të K.Pr.Penale, masës së mësipërme të dënimit i zbritet 1/3 duke u dënuar përfundimisht i pandehuri L.P. me 2 (dy) vite e 4 (katër) muaj burgim.
3. Vuajtja e dënimit të të pandehurit L.P. do të fillojë nga dita e arrestimit të tij dhe do të kryet në një IEVP, burg i sigurisë së zakonshme.
4. Në zbatim të nenit 35 të Kodit Penal, heqjen e të drejtës për të pandehurin L.P., për të ushtruar funksione publike për një afat kohor 5-vjeçar…”

LEXONI GJITHASHTU:

• Airbnb thirrje parisienëve: Jepni me qira shtëpitë tuaja gjatë Olimpiadës
• Daçiç merr në mbrojtje Radoiçiçin: Video nuk është bërë ditën që ndodhi sulmi