‘Falsifikim dokumentash’, tjetër masë sigurie për porositësin e 137 kg kokainë

Gjykata e Tiranës ka shtuar një masë sigurie “Arrest me burg” pas GjKKOS-së, për 46-vjeçarin Gentian Malindi, për kryerjen e veprës penale të “Falsifikimi i letërnjoftimeve, pasaportave, ose i vizave.”

Përmes një njoftimi, është bërë e ditur se 46-vjeçarit, i janë sekuestruan dokumente dhe ID kosovare të falsifikuara.

Malidi u vu në pranga disa ditë më parë, pasi u lokalizua se po lëvizte me automjetin e tij në afërsi të Urës së Gjolës, në Vorë.

Ai ishte në kërkim që prej vitit 2019 pasi dyshohet se është porositësi i 137 kg kokaine nga Ekuadori, sasi droge që u kap në Portin e Durrësit.

Kokaina u pikas nga policia greke, të cilat bënë zëvendësimin e saj me oriz, në Portin e Pireut.

Më pas, u mbajtën nën vëzhgim lëvizjet e konteinerit deri në Durrës, për të zbuluar rrjetin e trafikut të kokainës.

LEXONI GJITHASHTU

• ‘Shkoi të merrte hekura dhe jo kokainë’, babai i Gentian Malindit hedh poshtë akuzat

• Akuzohet se porositi 137 kg kokainë, momenti i arrestimit të Gentian Malindit
• Ekskluzive | Arrestohet Gentian Malindi, akuzohet se porositi 137 kg kokainë