Familja e Bllakos shiti 2 kompani 2 javë para arrestimit, pretendon Bushati

Arrestimi i Alqi Bllakos ka 2 javë që përflitet dhe në këto 2 javë familja e tij ka shitur 2 kompani që kishte në pronës, tha analisti Andi Bushati.

Në emisionin ‘Shock’, Bushati e cilësoi tallje faktin që një aferë korruptive 430 mln euroshe ‘të degradojë tek 150 mijë euro që një zyrtar i nivelit të fundit i ka kaluar të atit’.

“Koka sot akuzohet që në rastin më të keq ka përvetësuar 3,7 mln dollarë, ndërkohë që afera është 430 mln dollarë. S’jemi as tek 1 për qind i hetimit të vërtetë. Po u thamë shqiptarëve se bëmë drejtësi se kapëm apartamentin e babait të Bllakos, është si t’u hedhim hi syve. E dyta, që Bllako po arrestohet ka 2 javë që qarkullon si lajm. Këto 2 javë familja e Bllakos 2 kompani që kishte i ka shitur. Pra, i lanë kohën që t’i shiste kompaninë dhe hajde hedhim koka turku që po funksionon SPAK”, tha Bushati.

LEXONI GJITHASHTU:

• Dorëheqja e Bllakos pakt heshtjeje për t’u shpërblyer më pas, thotë Bushati
• Arrestohet ish-deputeti i PS-së Alqi Bllako