Favorizonte persona të ndryshëm duke mos i gjobitur, pezullohet polici në Kukës

Një efekti i policisë së Kukësit është pezulluar nga detyra me akuzën e shpërdorimit të detyrës pas kërkesës së Prokurorisë së Kukësit.

“Në kuadër të hetimeve në bashkëpunim me Agjencinë e Mbikëqyrjes Policore (AMP), nga vëzhgimet ambientale dhe inerceptimet telefonike krijohet dyshimi i arsyeshëm që punonjësi i policisë K. K. duke shfrytëzuar dhe përfituar nga pozicioni i tij me detyrë trup shërbimi trafiku urban dhe Interurban, DVP –Kukës, favorizonte persona që njeh me qëllim që të mos gjobiten apo të kalojnë pa u kontrolluar nga policia”, bëhet me dije në një njoftim të policisë.

Me kërkesën e Prokurorisë, Gjykata vendosi pezullimin nga detyra, ndërsa vijojnë hetimet edhe për punonjës të tjerë të qarkullimit rrugor.

LEXONI GJITHASHTU:

• Tenton të vetëvritet 17-vjeçari, policia e shpëton
• Dyshimet për sulm kibernetik, reagon Policia e Shtetit