Faza me eliminim e Euro2024, Gjermania përballet me Danimarkën, Zvicra me Italinë

Në të shkuarën i ka hapur gjithmonë problem Gjermanisë, Danimarka është një ekip që nuk duhet nënvlerësuar as këtë kampionat evropian.

Dy ekipet përballen mbrëmjen e kësa të shtune me njëra-tjetrën në përballjen numër 10 mes tyre. Signal Iduna Park pritet të jetë i tejmbushur, kur organizatorët zbresin në fushë, e kërkojnë me patjetër fitoren. Të parët në grupin A përballen me danezët të cilët e mbyllën në vendin e dytë në grupin C.

Historia flet për ekipin nordik, që ka arritur ta mposhtë 4 herë Gjermaninë, 2 fitore i takojnë panzerave dhe 3 përballje janë mbyllur në barazim. Kompanitë e statistikave cilësojnë favoritë 3 herë fituesit e evropianit, por Danimarka më herët ka ditur të jetë surprizë.

Në orën 18, ngre siparin e kësaj faze një tjetër duel epic, ai mes Zvicrës dhe Italisë. Axurrët të cilët u kualifikuan në limite do të provojnë të konfirmojnë që fati nuk i ka ndihmuar aspak, por janë një ekip kualitativ. Europianin e shkuar, trofeu për 3kolorët erdhi pasi mposhtën helvetët, e ndoshta kjo gjë mund të përsëritet. 60 herë janë përballur me njëra-tjetrën, 29 fitore Italia, 7 Zvicra dhe 24 barazime.