Fëmija autik me ëndrrën për t’u bërë kitarist i njohur

Prej 4 vitesh kitara është pjesë e pandashme për Soirdio Ballën, fëmijë me spektrin autik.

Soirdio dëshiron që në të ardhmen të bëhet kitarist i njohur.

Ndonëse e ka të vështirë të shprehet për pasionet e tij, ai thotë se kalon shumë kohë në kitarë.

Nëna e tij, Mirela, thotë se rritja e një fëmije me spektrin autik nuk është e lehtë dhe ka kosto.

Megjithatë, kur shikon se i biri po ia del në fushën e muzikës, i harron të gjitha.

“Është e vështirë, sakrifica pafund. Por kur kuptuam talentin që ka, harrohen të gjitha”, tha Mirela.

Ajo tha se fillimisht e angazhoi të birin në pikturë, më pas Soirdio iu përkushtua kitarës.

Mirela thotë se Soirdio është një djalë i qetë, me pasione të shumta.

Në këtë rrugëtim që ka nisur, mbështetja më e madhe, pas familjes vjen nga miqtë.

Mes të tjerash, e ëma tha se Soirdio është vlerësuar për talentin e tij.

“Ka marrë pjesë në koncerte të ndryshme, ka marrë edhe certifikata”, u shpreh ajo.

LEXONI GJITHASHTU:

• Psikiatrja: Prindërit ‘i fshehin’ fëmijët autikë nga frika e paragjykimeve, ndërhyrja e hershme jep rezultat