Ferdinand Dervishi: Ngjarja e Sarandës ka lidhje me drogën, jo vetëm me pronat

Gazetari Ferdinand Dervishi tha për emisionin “Review”, se zhdukja e dy personave Leonard Thodhori dhe Fatmir Sulovari alias Fatmir Krasniqi, në Sarandë nuk ka lidhje vetëm me pronat por mund të ketë lidhje edhe me drogën.

Ai tha se i zhdukuri  Leonard Thodhori i njohur si Koçolja, kur fliste në telefon me persona që e kërkonin  përdorte aplikacione që të mos përgjohej, të cilat zakonisht përdoren nga trafikantët.

“Duke parë dëshmitë e shokëve të të zhdukurit, ai fliste me personat që e kërkonin në telefon me aplikacionet që përdoren kryesisht nga trafikantët e drogës, që janë krejtësisht të papërgjueshëm.

Zona e Sarandës ka qenë në kufi historik për kalimin e sasive të mëdha të kanabisit. Përderisa këta flisnin me këtë sistem, personat e implikuar në këtë histori, për mendimin tim kanë lidhje edhe me drogën. Të gjithë ishin me biznese të fuqishme dhe të gjithë mbase nuk i justifikojnë dot këto biznese”,-tha Ferdinand Dervishi për Euronews Albania.

LEXONI GJITHASHTU:

• Zhdukja e Sarandës/Dervishi zbërthen thelbin e konfliktit: Abuzimi me pronat
• I vetëm në kurorëzimin e të atit, princ Harry nuk u ftua të përshëndeste qytetarët