Fermerët grekë sërish në protestë, bllokohet disa orë aksi Kakavijë–Janinë

Policia Kufitare Kakavijë, nëpërmjet qendrës së përbashkët të shkëmbimit të informacionit Kakavijë, është njoftuar nga Policia Kufitare Greke se ditën e sotme, nga ora 16:00 deri në orën 21:00 (me orën greke), aksi rrugor Kakavijë–Janinë, në fshatin Kallpaq, do të jetë i bllokuar për shkak të protestës që do të zhvillojnë fermerët.

Do të lejohen të qarkullojnë vetëm automjetet që do të kenë emergjenca shëndetësore.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.

LEXONI GJITHASHTU:

• Greva e fermerëve grekë, bllokohet për 5 orë kalimi në aksin Kakavijë-Janinë
• Greva e fermerëve grekë bllokon lëvizjen në kufirin me Kakavijën për 4 orë