Festë në “Natën Fierake”, në skenë emrat më të spikatur të muzikës së qytetit 

Një natë me atmosferë festive, ku mbizotëronte muzika, përjetuan qytetarët fierak. E titulluar “Nata Fierake” eventi ngjiti në skenë emrat më të spikatur të muzikës së qytetit por edhe emra të rinj.

Në këtë aktivitet nuk munguan as vallet e ansamblit “Myzeqeja”.

“Neve na bëhet qejfi qe kjo natë mbledh këngëtarët fierakë. Është një natë magjike sidomos për ne që jemi më të vjetrit por që kemi edhe këta djem të rinj që duam t’u lëmë stafetën”, tha një qytetar.

Besa Kokëdhima, Erion Korini, Luiziana apo Sabiani ishin disa prej këngëtarëve që u bën pjesë e këtij aktiviteti.

Për këngëtarin Edmond Muho këto aktivitete janë të mirëpritura, si nga këngëtarët ashtu edhe nga publiku.

“Është kënaqësi që ndodhem në qytetin tim të Fierit të këndoj në një festë të bukur si sot. Fieri ka nevojë për të tilla evenimente ku rinia të argëtohet”, u shpreh ai.

LEXONI GJITHASHTU:

• Muzeu historik i Fierit zhvillon aktivitete në nderim të Pierre Cabanes
• Karkalecat po hanë të mbjellat, Lushnja dhe Fieri rrethet më problematike