Për të parën herë në Gjirokastër u organizua Festivali i Muzikës Jazz i titulluar “Jazz në gur”.
Në një mbrëmje të veçantë, në mjediset e Odeonit, në zonën muzeale performuan emra të njohur të muzikës jazz si Jozefina Simoni, AJS Quartet dhe dj Pife.
Programi artistik i festivalit i përzgjedhur nga muzika shqiptare dhe e huaj tërhoqi vëmendjen e artdashësve kryesisht të rinj dhe turistëve.
“Unë i uroj shumë suksese dhe jam e lumtur që jam pjesë e edicionit të parë të festivalit. Uroj që gjithçka të shkojë shumë mirë edhe festivali të ketë sa më shumë jetëgjatësi dhe njerëzit të kënaqen me ne sonte”, thotë Josefina Simoni, këngëtare.
“Ne përcjellim nëpër botë, në gjithë festivalet e jazz-it muzikën tonë shqiptare të të gjitha trevave të përshtatur në muzikën jazz. Ajo që do të sjellim këtu është çfarë kemi eksportuar, le të themi edhe në publikun europian në këto vite, që është muzika jonë, origjinale shqiptare me instrumentet tona tipike; saksofon, klarinetë, fyelli i bariut të gërshetuar me muzikën jazz dhe një aragment komplet i ri”, shprehet Ermal Rodi, instrumentist.
Ky organizim synon të kthehet në një traditë të përvitshme për qytetin e gurtë.
LEXONI GJITHASHTU:
- Ndezi zjarr me tymësen e bletëve, arrestohet një person në Gjirokastër
- Kontroll mjekësor për turistët, i nxehti sjell probleme për vizitorët në Gjirokastër