Granit Sokolaj i ftuar në emisionin “People” ka folur rreth asaj çfarë u deklarua këtë të premte nga AKU-ja që njoftoi konstatimin e një sasie filetosh pule të importuara në Portin e Durrësit nga Brazili, të kontaminuara me Salmonelë.
Sokolaj tregon sesi ka ndodhur i gjithë procesi gjatë këtyre ditëve për importin e sasisë së filetove të pulës. Ai shton se shpërndarja e tyre mund të jetë bërë në të gjithë Shqipërinë.
“Kompania në fjalë është një ndër më të mëdhatë e importit të mishit të ngrirë nga jashtë dhe magazinat e saj janë në Tiranë, në autostradën midis Kasharit dhe Tiranës. Produkti nuk është doganuar në Durrës. Që të mos kalonte në Durrës, ka kaluar tranzit për t’u zhdoganuar në doganën e Tiranës.
Më pas atë çfarë nuk e ka bërë AKU-ja në Durrës është që nuk kanë hapur kontenerin, kanë hapur magazinat frigoferike të kompanisë. Pjesa e shpërndarjes mund të jetë në të gjithë Shqipërinë sepse kompanitë e mëdha janë në marrëveshje me rrjetet më të mëdha të marketeve në vend”, tha Granit Sokolaj.
LEXONI GJITHASHTU:
- Ndotja e kanalit të Nanukës, ankohen banorët në Vlorë: Po na rrezikohet shëndeti
- Bllokohet ngarkesa me fileto pule me Salmonelë, erdhi nga Brazili në Durrës
