Financimet ruse në PD, Lefter Gështenja: Nëse ka prova le të shkojnë në prokurori

Deputeti i PD-së Lefter Gështenja tha në një intervistë për Euronews Albania se çdo provë që vërteton financimet ruse në PD duhet dërguar në prokurori.

Sipas tij Partia Demokratike ka kërkuar vetë që për këtë çështje të hapet një hetim dhe madje ka kërkuar që në hetim të marrë pjesë dhe faktori ndërkombëtar.

“Në përfundim rezultoi që kjo akuzë nuk qëndronte dhe Partia Demokratike jo vetëm që nuk kishte përfituar para nga financime të huaja, por edhe financimet vendase kishte marrë 0 lek të paligjshme,’ – u shpreh Gështenja.

Deputeti tha se këto informacione janë marrë nga media. Ndërkohë Gështenja ishte i bindur dhe nuk besonte se jo PD apo Lulzim Basha, por asnjë lider dhe parti politike nuk mund të kishte financim rus.

LEXONI GJITHASHTU:

• Financimet ruse për PD, Berisha njofton ngritjen e auditit për hetimin e Bashës