Finlanda thotë se “një aktivitet i jashtëm” dëmtoi gazsjellësin

Një gazsjellës nënujor dhe linjat e telekomunikacionit që lidhin Finlandën me Estoninë nën Detin Baltik, është dëmtuar me gjasë nga një akt i qëllimshëm, tha Qeveria finlandeze të martën.

Sekretari i Përgjithshëm i NATO-s, Jens Stolntenberg, tha se aleanca po ndan informacione lidhur me dëmtimin në gazsjellës dhe tha se aleatët janë të gatshëm të mbështesin Finlandën.

Gazsjellësi Balticconnector u mbyll të dielën pas shqetësimeve se kishte rrjedhje të gazit nga një vrimë në tubacionin e gjatë prej 77 kilometrash. Operatori finlandez, Gasgrid, tha se dëmi do të marrë muaj kohë që të riparohet.

“Ka të ngjarë që dëmi në gazsjellës dhe në linjat e komunikimit të jetë rezultat i një aktiviteti të jashtëm. Ende nuk është i qartë shkaku i dëmtimit, hetimi po vazhdon në bashkëpunim midis Finlandës dhe Estonisë”, tha presidenti i Finlandës, Sauli Niinisto, përmes një deklarate.

“Rënia e presionit në gazsjellës ishte e shpejt, që është tregues se nuk ka qenë një dëm i vogël. Por, shkaku ende nuk dihet”, tha një zyrtar për energji në Baltik që ka lidhje me situatën. Megjithatë, ai foli për Reuters në kushte anonimiteti.

LEXONI GJITHASHTU:

• “Kemi ardhur nga Finlanda”, tifozët të entuziazmuar për ndeshjen Shqipëri-Poloni
• Ish-kryeministrja e Finlandës heq dorë nga karrigia në Parlament