“Fitore nga burgu” – Mediat greke jehonë për zgjedhjet në Himarë

“Fredi Beleri fiton zgjedhjet lokale në Himarë”, është ky titulli i mediave greke pas shpalljes së rezultateve paraprake të cilat kanë pasqyruar gjerësisht edhe arrestimin e tij.

Mediat e shtetit fqinj kanë shkruar edhe për festën që shpërtheu në rrugët e Himarës ku mbështes të tij u vendosën para zyrave të OMONIA-s, ku brohorisnin emrin e Fredi Belerit.

Fredi Beleri, kandidati që përfaqëson minoritetin grek dhe koalicionin Bashkë Fitojmë fitoi ndaj kundërshtarit të tij Jorgo Goro, i cili përfaqësonte PS dhe ishte kandidat aktual i Bashkisë Himarë.

Rezultatet paraprake u shpallën të hënën në mëngjes, pas një ndërprerjeje në procesin e numërimit të votave.

Aktualisht Beleri ndodhet në paraburgim pasi u ndalua nga policia shqiptare dy ditë para zgjedhjeve me akuzën e blerjes së votës.

Arrestimi i tij ka acaruar marrëdhëniet mes Tiranës dhe Athinës, ku kjo e fundit e percepton si një lëvizje strategjike të qeverisë Rama për të përfituar në dinamikën e brendshme parazgjedhore.

LEXONI GJITHASHTU:

Beleri fitoi nga burgu Himarën, reagon kryeministri grek Mitsotakis