‘Flamingot po largohen’, reagon Rama: Inteligjencë Artificiale. Ikin prej zhurmës suaj anti-ekologjike

Kryeministri Edi Rama përmes një postimi në “Facebook” ka reaguar lidhur me një video që qarkullon në rrjetet sociale ku pretendohet se flamengot po largohen nga vendi ynë drejt Maqedoninë e Veriut. Rama shkruan se kjo video është e krijuar me inteligjencë artificiale.

Ai theksoi se kjo video paraqet largimin e flamingove nga zona e Zvërnecit jo për shkak të projektit i cili s’ka dalë ende por nga protestat e qytetarëve të cilat i cilësoi si zhurma anti-ekologjike.

“Tani o duhet të jesh i marrë o duhet t’i marrësh njerëzit për idiotë, që të sajosh të tilla budallallëqe me Inteligjencë Artificiale dhe t’ua tregosh njerëzve për të vërteta të kobshme, se jo për gjë, po me këto pamje i bie që flamingot po ikin nga sytë këmbët prej zhurmës suaj anti-ekologjike jo prej projektit, se projekt s’ka akoma dhe s’ka arritur akoma teknologjia t’i bëjë zogjtë të ndjeshëm deri edhe ndaj projekteve që s’kanë ndodhur”, shkruan Rama.