Flamurtari e Barcelona rikthehen sërish në fushë pas 38 vitesh, flasin protagonistë

Protagonistët e përballjeve të atyre viteve rikthehen sërish në stadiumin Flamurtari në një ndeshje mes historisë dhe nostalgjisë të shtunën ora 19 e 30 në stadium.

Estaban, lojtari që shënoi në barazimin 1-1 në ndeshjen e parë në Vlorë por edhe protagonistë ndër vite të tjera me fanelën e Barcelonës kanë falenderuar organizatorët e këtij aktiviteti që  rikthen në Vlorë emocione të veçanta

Në  një konferencë për shtyp ish-lojtaret Esteban dhe Salvo, dy nga lojtarët që kanë luajtur, e quajnë një ndeshje historike dhe shumë të veçantë

“Do të doja që kjo të jetë një lloj tradite dhe t’i prisnim ne herën tjetër në shtëpinë tonë. Dua t’i falenderoj shumë organizatorët për mikpritjen dhe të them që nesër për ne është një ditë shumë e rëndësishme, duhet ta fitojmë ndeshjen”, tha Esteban.

Kreshnik Cipi dhe Vasil Ruci e cilësojnë histori dhe nostalgji për të përcjellë vlera. E rëndësishme sipas tyre është të njihet historia e Flamurtarit të atyre viteve edhe nga brezat

Nga ekipi i Barcelonës që luajti përballë Flamurtarit janë katër futbollistë ndërsa do të ketë edhe të tjerë nga brezat ndër vite. Ndeshja do të  luhet të shtunën ora 19 e 30.

LEXONI GJITHASHTU:

• Kampionati Europian i Notit, sportisti shqiptar siguron Lojërat Olimpike të Parisit
• Hapet në Shqipëri Qendra Sportive Rafa Nadal, Rama: U vlen fëmijëve dhe të rinjve