Flet 12-vjeçarja e abuzuar në Pogradec: Do martoheshim kur të rritesha

Një 29-vjeçar nga fshati Vërdovë i Pogradecit u arrestua nga policia dy ditë më parë për kryerjen e marrëdhënieve seksuale me të mitur.

Në një intervistë për Euronews Albania jashtë kamerave, 12-vjeçarja ka pranuar se kishte krijuar një lidhje me 29-vjeçarin prej 1 viti e gjysmë dhe se kanë kryer marrëdhënie seksuale me dëshirën e saj.

Ajo thotë se me djalin e bashkëjetuesit të nënës së saj kishin bërë plane për t’u martuar kur ajo të rritej. Sipas saj, marrëdhënia e tyre është konsumuar brenda banesës ku jetonin por pa dijeninë e nënës.

Pas denoncimit e mitura thotë se nuk i është nënshtruar ende kontrolleve mjekësore ndërkohë që është marrë në pyetje disa herë nga psikologia.

Ndërkohë nëna e 12-vjeçares deklaroi për mediat këtë të hënë se e ka kuptuar dy muaj më parë që vajza e mitur abuzohej nga 29-vjeçari, pasi i kishte dëgjuar mbrapa derës, por nuk kishte denoncuar pasi kishte frike nga bashkëjetuesi i saj.

“Ai thoshte e kam si motër por unë e pyesja pasi vajza rinte e mbyllur. E zbulova nga telefoni.  Ai e pranoi ndërsa psikologia më tha sot që ata duhen të dy. Vajza më thotë e kam si vëlla por mendoj se bëjnë lojë me mua.

Prej 3 vitesh ata flinin në të njëjtën dhomë me justifikimin që s’ka dhomë ku të flemë.  Bashkëjetuesi flinte me vajzën e tij të vogël ndërsa vajza ime flinte në një dhomë me djalin e tij.  Pashë fotot që kishin dalë të dy të përqafuar në telefon dhe disa biseda.Vajza nuk ju është nënshtruar kontrolleve mjekësore deri tani.

Nuk më tregon vajza asgjë.  Asnjëri nuk e pranon nga të dy të vërtetën.  E kuptova dy muaj më parë i dëgjova pas derës por nuk denoncova direkt se kisha frikë nga bashkëjetuesi sepse më dhunonte.  Ajo është fëmijë”,-tha nëna e 12-vjeçares.

LEXONI GJITHASHTU:

• Abuzimi i 12-vjeçares nga i riu, Dragoti: Pse e ëma e vajzës është bashkëfajtore
• “E mori e ëma”- Gazetari: Sa vjeç ishte e mitura kur u lidh me të riun në Pogradec