Flet avokati i Saimir Tahirit, zbulon arsyet e vendimit të lirimit të ish-ministrit

Maks Haxhia, avokati i ish-ministrit Saimir Tahiri zbuloi përmes një komunikimi për media detaje mbi vendimin e gjykatës për lirimin e ish-ministrit të Brendshëm.

Haxhia u shpreh Tahiri do të mbajë kontakte me shërbimin e provës për çdo lëvizje, madje mund të dalë edhe jashtë vendit.

Ai sqaroi se vendimi i sotëm është i paapelueshëm, pasi është mbështetur në mënyrë të pakontestueshme nga tre grupe ekspertësh që kanë vërtetuar gjendjen shëndetësore të bashkëshortes së ish-ministrit. Sipas tij Tahiri duhet të kujeset për fëmijët e tij të mitur.

“Gruaja vuan nga një sëmundje që kur e kapin krizat nuk i shërben dot fëmijëve. Gjykata në 5 muaj e ca ka arritur në konkluzionin konkret. Kushtet janë të përcaktuara, do mbajë lidhje me shërbimin e provës. Nuk do të paraqitet në shërbim prove por do të ketë kontakt, edhe nëse do ti duhet të lëvizë jashtë vendit për shkak të gjendjes së bashkëshortes. Ky vendim është i paapelueshëm”, tha Haxhia.

LEXONI GJITHASHTU:

• Lirimi i Saimir Tahirit, Berisha: Urdhëri i Ramës, ultimatumit i erdhi fundi
• “Lejohet të dalë nga shtëpia”, zbardhet vendimi i gjykatës që liroi Saimir Tahirin