“Lejohet të dalë nga shtëpia”, zbardhet vendimi i gjykatës që liroi Saimir Tahirin

Gjykata e Elbasanit liroi nga burgu ish-ministrin e Brendshëm Saimir Tahiri, duke vendosur që ta kryejë pjesën e mbetur të dënimit në shtëpi.

Në vendimi e zbardhur të gjykatës bëhet me dije se pjesën e pavuajtur të dënimit me burgim prej 1(një) vit, 8(tetë) muaj dhe 15 (pesëmbëdhjete)dite, Tahiri do ta vuajë me “qëndrim në shtëpi”, ne adresën e banimit: Rruga “Kodra e Diellit”, pallati Nr.3, Bashkia Tiranë.

“Lejohet i dënuari Saimir Bashkim Tahiri, që gjatë periudhës së qëndrimit në shtëpi të largohet nga vendbanimi tij për plotësimin e nevojave të domosdoshme familjare për të cilat Shërbimi i Provës është dakord. Urdhërohet lirimi i menjëhershëm i të dënuarit Saimir Bashkim Tahiri, nga vuajtja e mëtejshme e dënimit në I.E.V.P. Kosovë Lushnje, në zbatim të këtij vendimi, nëse nuk mbahet i arrestuar apo i dënuar për kryerjen e ndonjë vepre tjetër penale”, thuhet në vendimin e Gjykatës së Elbasanit.

LEXONI GJITHASHTU:

• Flet avokati i Saimir Tahirit: E ka gruan sëmurë, do kujdeset për fëmijët
• Lirimi i Saimir Tahirit, Berisha: Urdhëri i Ramës, ultimatumit i erdhi fundi