Flet nëna e 7 fëmijëve: Secilin e kemi bërë me planifikim, çdo 1 vit e gjysmë

Neta Deda, nëna 33-vjeçare e 7 fëmijëve tha në “Good Morning Albanians”, se të gjitha shtatzënitë e saj kanë qenë të planifikuara.

Ajo u shpreh se gjithnjë ka dashur të ketë një familje të madhe, ndaj asnjëherë lajmi i shtatzënisë nuk ka qenë sup rize për të. Ndërsa shtoi se edhe familjarët tashmë janë mësuar që çdo 1 vit e gjysmë, shtohen me një anëtarë të ri në familje.

“Asnjë nga 7 shtatzënitë e mia nuk ka qenë e papritur. Ne gjithnjë kemi dashur të kemi një familje të madhe dhe nuk është se na ka ardhur surprizë lajmi. Për momentin po rrimë te ky numër po nuk e dimë”,-tha ajo.

E pyetur se si ishte të menaxhonte 6 fëmijët gjatë shtatzënisë, nëna e shtatë fëmijëve u përgjigj se tashmë ishte mësuar.

“Po fillon e mësohesh me numrin, bën 1,2, 3 pastaj mësohesh, është më e lehtë. Fëmijët janë të mrekullueshëm, nuk e ndien shumë lodhjen. Emocioni është njësoj si me fëmijën e parë edhe me të shtatin. Të gjithë u gëzuan se janë mësuar çdo 1 vit e gjysmë, dy u vjen një anëtar i ri në familje”,-tha ajo.

LEXONI GJITHASHTU:

• Rikthehen reshjet, parashikimi i motit për këtë javë
• Kantozi: Nëse arabët heqin armët ka paqe, nëse i heq Izraeli nuk do ekzistojë më