Rikthehen reshjet, parashikimi i motit për këtë javë

Hakil Osmani nga metoalb u shpreh se nga mesi i javës moti do të ndryshojë, ku do të nisin reshjet e shiut.

Për emisionin “Good Morning Albanians” në Euronews Albania, ai theksoi se nga e mërkura do të ketë reshje shiu, ku në zonat veriore do të jenë më intensive.

Gjithashtu ai theksoi se të premten e kësaj jave do të ketë dhe ulje të temperaturave.

“Dita e sotme dhe paraditja e nesërme  do të jetë me kthjellime, por pasditja e së martës sjellë zhvillim të vranësirave dhe do të ketë reshje shiu. Parashikohet që këtë javë të jenë prezente reshjet e shiut. E premtja dhe fundjava do të sjellin rebeshe shiu, ku  në zonat veriore priten të jenë me intensitet të lartë, ndërsa zonat jugore herë pas here do të kenë reshje shiu. Temperaturat sot e nesër mbeten të larta, por nga dita e mërkurë do të kemi rënie graduale me 1 ose 2 gradë celsius. Dita e premte jo vetëm që do të sjellë reshje intensive por do të sjellë rënie të ndjeshme të temperaturave  duke bërë që maksimumet të zbresin në vlerën 21 ose 22 gradë celsius”-tha ai.

LEXONI GJITHASHTU: 

• Gazetari nga Kina: Këtu burgosesh po dezinformove për viruset dhe pandeminë
• Gazetari izraelit: Ne duam ta eleminojmë Hamasin, Netanjahu dështoi