Gazetari izraelit: Ne duam ta eleminojmë Hamasin, Netanjahu dështoi

Larry Luxner, gazetari izraelit ishte i ftuar këtë të shtunë në emisionin “Review” në Euronews Albania, ku tha se duan të eleminojnë Hamas pasi sulmoi vendin e tyre në mënyrë të paprovokuar.

Ai theksoi se kryeministri izraelit Benjamin Netanyahu dështoi në mbrojtjen e qytetarëve të tij. Mes tjerash ai nënvizoi se shoqëria izraelite ishte e përçarë  para se të niste lufta.

“Ne duam ta eleminojmë Hamas. Ne duam një përgjigje dipropocionale. Unë nuk jam dakord me kryeministrin e Izraelit. Ai dështoi së mbrojturi qytetarët e Izraelit dhe për këtë qytetarët e Izraelit dhe palestinezët janë duke paguar çmimin. Shoqëria izraelite ka qenë e përçarë para se të ndodhte kjo. Ka pasur javë të tëra që kemi pasur protesta për çështje të ndryshme. Megjithatë kjo luftë i ka bashkuar izraelitët. Ne u sulmuam, ky ishte një sulm i paprovokuar dhe na u desh të përgjigjeshim. Ne duhet ta eleminojmë Hamas njëherë e përgjithmonë”-tha ai.

LEXONI GJITHASHTU:

• Biznes në Shqipëri / Sipërmarrësi i huaj: Në Itali ka shumë burokraci, këtu më pak
• “Turqia qëndron “në këmbë” nga vendet arabe”- Kulla: Pse është në tension Izraeli