Flora që jeton me nanizmin: Më thërrisnin ‘xhuxhe’, por babai ishte forca ime

Flora, vajza e cila bashkëjeton me nanizmin në përditshmërinë e saj ka rrëfyer jetën e saj në emisionin ‘Real People’ në Euronews Albania, teksa ka treguar sfidat me të cilat është përballur.

Ajo shprehet se kur ishte e vogël e  thërrisnin “xhuxhe”, arsye e cila e detyronte që të mos frekuentonte shkollën.

Pavarësisht kësaj, mbështetje dhe forcë e madhe për të ishte i ati i saj, që për fat të keq para tre vitesh ka ndërruar jetë.

“Babai më dërgonte me zor në shkollë. Unë nuk shkoja në fillim të klasë së parë se më thoshin këta erdhi  “xhuxhi” në shkollë. Babai më dërgonte sërish, dhe porosiste mësuesit që mos të më thërrasin më ashtu. Babai donte shumë që unë të studioja. Bënte çdo përpjekje që unë të shkollohesha. Vetëm fëmijët më thërrisnin ashtu, mësuesit jo. Mësuesit kanë pasur gjithë respekt. Mua smë kanë pyetur asnjë herë, por babanë e pyesnin për mua se si është rasti im. Motra ime është 2 vite më e vogël se unë. Motrën më të vogël e kam  21-vjeç”- u shpreh ajo.

LEXONI GJITHASHTU: 

• Fermeri në Divjakë që kultivon avokado e papaja: Jam i kënaqur me prodhimet ekzotike
• 39-vjeçarja: Kur isha 6-vjeç babait i ofruan një apartament dhe 7 mln lireta për mua