Floriana Garo tregon si nisi bashkëpunimi me Bashën e Berishën

Floriana Garo para zgjedhjeve të fundit parlamentare ishte zëdhënëse e Partisë Demokratike. Ajo sot është një nga anëtaret e reja të Këshillit Kombëtar të PD.

Garo tregon se ka ndikuar bashkëshorti që ajo të angazhohet në politikë dhe ata diskutonin shpesh për këtë çështje kur jetonin në Zvicër.

“Kishim vendosur që të ktheheshim për shkak të COVID dhe shpreha dëshirën time tek z. Basha për të kontribuar për PD dhe ai më pa në këtë rol”, tregon Floriana Garo.

Ajo tregon se ka qenë gjithmonë më afër Berishës dhe pasi e njohu personalisht u bë më e lehtë që të ishte bashkëpunëtore e tij.

Garo gjatë intervistës për emisionin ‘Sot’ tha se edhe Berishës i ka shprehur dëshirën për t’u angazhuar pasi mbështeste lëvizjen e tij, Foltoren.

“Kam pasur kontakte me z. Berisha shumë kohë më përpara. Unë i shpreha dëshirën pasi mbështesja të gjithë lëvizjen e Foltores. Doja të isha pjesë e kësaj dhe doja ta ndihmoja me pjesën time. Ai e pranoi këtë”, përfundoi Garo.

LEXONI GJITHASHTU

• Berisha: Nuk do shpik rival në garën për kryetar të PD-së
• Mbështetësit e Bashës kanë votuar për kandidatë të ‘Rithemelimit’, thotë Vokshi