Fluks emigrantësh në Kakavijë, shqiptarët kthehen në Greqi pas Pashkëve

Pasi kaluan festën e Pashkëve pranë familjarëve të tyre në vendlindje, emigrantët shqiptarë kanë nisur të kthehen në vendin ku punojnë dhe jetojnë.

Në pikën e kalimit kufitar të Kakavijës, ka pasur fluks të automjeteve, por nuk janë krijuar radhë ta gjata. Përgjatë së hënës, kanë dalë nga territori shqiptar afro 6 mijë persona.

“Erdha në Shqipëri për Pashkë. Qëndrova 3 ditë. Nuk kam shumë që pres, duket normale, do kalojmë,” – u shpreh një emigrant.

“Erdha në Shqipëri për Pashkët, për të parë prindërit, për të festuar, vij shpesh. Kam 10 minuta që pres,” – tha një tjetër.

“Erdhëm në Shqipëri për Pashkët bashkë me familjen. Vijmë çdo vit. Në Kakavijë presim si gjithmonë, 1 orë, varet sipas radhës, por këtë herë do të kalojmë shpejt,” – u shpreh qytetari.

Gjatë fundjavës, për festën e Pashkëve nëpërmjet doganës së Kakavijës hynë në Shqipëri rreth 20 mijë persona.

LEXONI GJITHASHTU:

• Në fokus goditja e krimit, hapet qendra e bashkëpunimit Greqi-Shqipëri në Kakavijë
• Siguroi 9 mijë euro përmes mashtrimit, arrestohet në Kakavijë 41-vjeçari