Fluks në Kapshticë, emigrantët largohen pas Pashkës

Emigrantët të cilët kaluan festën e Pashkës në Shqipëri kanë nisur këtë të hënë të kthehen në Greqi aty ku jetojnë dhe punojnë.

Fluksi ka qenë i lartë gjatë paradites së sotme, duke i detyruar autoritetet tona kufitare në Kapshticë të shtojnë numrin e sporteleve dhe personelin e sherbimit në dalje nga territori ynë. Pala shqiptare po punon me 5 sportele në dalje dhe 3 sportele janë të hapura në hyrje.

Autoritetet kufitare bëjnë me dije se edhe pala greke po punon me numër maksimal sportelesh çfarë ka sjellë lëvizjen e shpejtë dhe pa vonesa të mjeteve në të dyja anët e kufirit.

Për personat e dyshuar policia greke kryen edhe procedurën e verifikimit të shenjave të gishtave. Mjetet në tokën shqiptare janë të vendosura në 4 korsi në dalje, ndërkohë që ka fluks mjetesh edhe në tokën neutrale.

LEXO GJITHASHTU:

• Sherr në ambientet e një lokali në ish-Bllok, 2 të plagosur
• Goditi me grusht trajnerin në Vlorë, arrestohet 56-vjeçari