“Fluks pacientësh”- Gazetarja: Vetëm 2 mjekë në Urgjencën e Pediatrisë në Tiranë

Gazetarja e Euronews Albania, Sara Demushi, është shprehur se në Pediatrinë e Tiranës janë duke shërbyer aktualisht vetëm dy mjekë, gjë që ka bërë që edhe numri i pacientëve që presin në radhë të jetë i lartë.

Komentet Demushi i bëri në një lidhje direkte me emisionin “Now me Erla Mëhillin”, ku tha se ka deri në 300-400 raste pediatrike në ditë.

Ajo tha gjithashtu se janë kryer rreth 800 testime për Covid 19, ku sipas saj, kanë rezultuar pozitiv rreth 64 pacientë.

“Fluksi i pacientëve është i lartë dhe ata janë në pritje për disa minuta që të kenë një komunikim me mjekët. Ka 300 deri në 400 raste pediatrike. Janë kryer 800 testime për Covid dhe nga të cilat 64 prej tyre kanë rezultuar pozitiv.

Me uljen e temperaturave është shoqëruar me rritjen e numrit të fëmijëve që janë të prekur nga virozat e stinës. Ka shumë radhë në pediatri, është edhe për shkak se janë vetëm dy mjek që janë duke shërbyer aktualisht.

E theksoj edhe njëherë që vetëm dy mjek janë duke shërbyer dhe numri i ulët i mjekëve sjell radhë të gjata të pacientëve që presin të marrin shërbime”, tha Demushi.

LEXONI GJITHASHTU:

• QSUT, 300 urgjenca në 24 orë, mjekët: Kemi pasur fluks pas festave, shkak alkooli
• Urgjenca kombëtare në gatishmëri, Brataj: Kujdes nga fishekzjarrët dhe alkooli